آخر 10 مشاركات : نمر عربي للبيع           »          من اسرار الهجرة الى المدينة           »          الذبح والقتل لدواب           »          النصرفى الهجرة بسلاح الضباب           »          جواز الاحتفال بالعام الهجرى الجديد           »          سارع بمراجعة نفسك           »          هجرة المؤمن           »          لمعالجة تشقق القدمين اليك 3 خطوات           »          الواجب والمستحب فى خطبة الجمعة           »          الحج .. في شعر : عبدالمجيد فرغلي




العودة   شبكة ومنتديات رمان > أَقسام شبكة ومنتديات رمان الأدبِية > منتدى دواوين الشعراء الشعبيين

إضافة رد
 
أدوات الموضوع انواع عرض الموضوع
قديم 04-19-2009, 10:39 PM   رقم المشاركة : 1
المدير العام
 
الصورة الرمزية ALFISAL2006






 

من مواضيعي
0 ماذا تعرف عن امهات المؤمنين رضى الله عنهم ؟؟؟؟
0 صور اثار وقبور الانبياء والصالحين وغيرهم
0 فيديو : امطار المدينه المنورة 18/12/1435هـ
0 صور عملات عربية قديمة
0 رسم توقعي وبعد أمر الله لمسار الأمطار وكثافتها وحتى ظهيرة يوم الجمعة

الحالة
ALFISAL2006 غير متواجد حالياً
افتراضي ديوان الشاعر/عبد المحسن حمود الهذيلي

هذة القصيدة للشاعر الشيخ /عبدالمحسن حمود الهذيلي
بالامير سلمان بن عبدالعزيز امير منطقة الرياض

امير روضة رمان الشاعر
عبد المحسن الهذيلي




سلام منـي عـد ماهبـت النـود=اوعـد مابالكـون حتـى جمـاده
اوعد ماركبو على الخيل والقـود=وعـداد ماكبـر وقـال الشهـاده
ياسعود سلملي على الشيخ ياسعود=من روس قادتنـا ونعـم القيـاده
مفخر هلا العوجاء من الجد بسعود=سلمـان سيـد محنكيـن السيـاده
سلمان مجد المجد بالعين مشهـود=له في قبايل نجد قـدر ومشـاده
ابن الزعيم الي حكم نجد بالجـود=وخلى صناديـد القبايـل إسنـاده
هو مزبن الجالي لاصار مضهود=من عقب سهر الليل زيٌن رقـاده
أطفاء فتنها ولعـن كـل مقـرود=وعم الأمان الشعب وارغد ابـلاده
ياسعود والله مانبي غيرهـم زود=هذا هوى نفسـي وهـذا مـراده
نوصي عليهم كل حـي ومولـود=وندعي لميتهم او هو فـي لحـاده
لهم الولاء رغم على كل نمـرود=والخاسر الفسقـان يلقـى نكـاده
يابن تويم سعود كان انت منشـود=غير السعود النفس مالـه ريـاده
بعدك عن اللي ماتوده هو الـزود=ومن لاتريد العين بعـده سعـاده
حكامنا هم خيرت الناس ياسعـود=ميزانهم راجح علـى كـل قـاده
صغار النفوس ولابهم كبر ياسعود=ولا يؤخذون اللي سقط من سراده
مثل السفينه يوم ترسي على الجود=كل العرب تفخر بطيب اجتهـاده
شدو علـى سنـة محمـد وداود=سنة رسول الناس خيـر العبـاده
واللي يريد الحق فالشرع ممهـود=واللي رضى بالشرع ياخذ مراده
هذا ماسجلـت بالحبـر ياسعـود=ورد السلام لطير شلوى اسنـاده







رد مع اقتباس
قديم 04-19-2009, 10:49 PM   رقم المشاركة : 2
المدير العام
 
الصورة الرمزية ALFISAL2006






 

من مواضيعي
0 ماذا تعرف عن امهات المؤمنين رضى الله عنهم ؟؟؟؟
0 صور اثار وقبور الانبياء والصالحين وغيرهم
0 فيديو : امطار المدينه المنورة 18/12/1435هـ
0 صور عملات عربية قديمة
0 رسم توقعي وبعد أمر الله لمسار الأمطار وكثافتها وحتى ظهيرة يوم الجمعة

الحالة
ALFISAL2006 غير متواجد حالياً
افتراضي

عبد المحسن الهذيلي
امير الروضة



مساكم الله بالخير جميعن هاذه القصيده لشاعر عبد المحسن حمود الهذيلي التميمي امير مدينة الروضه ردن على قصيدة الشيخ /مسفر الدخيل العتيبي


ياشــــيخ ياطيــــب الفالي=يامكثـــر الهيل في بنــه
شيخن يعــرف اول وتالي=وضـــن ضني على ضنـه
قاضي وشاعـــر بالمثالي=يجـيب الاشعــــار مامنـه
حرن ليا طـــار وجــتالي=خلا الحبــاري تقــل شـنه
يــبو دخـــيل منا ســـالي=جريت لــي بالخــفا ونه
وعديت لــي مرقبن عالي=سحـــم السراحين ماجنـه
في مهمن موحـــشن خالي=تستوحش الجن من جنه
ماعندي اللي علــى بالي=اجيب الامثال ماكنه
ماغـــير جيـــبي وجوالي=وجـاوب الذيــب والشـنه
يطري علي واحدن غالي -وقــول له يـــاملا الجـنه
وفــــضي البـــال باللي=وشيـــــل صوتن بلا مـــنه
مرحـــوم يافرز الابطالي=خـــلا المقــاصير يبكنــه
دنــياك لامــرت الحـالي=ازبـن علــى الله بلا منــه
وياشيخ تفداك الانذالي=هل الحــــســـد مالهم منــه
هذا ولو قــيل ماقــالي=تر المقادير يرمنه
دنيــاك ماخلت الوالــي=اللــي يريد البــقا فنه
راحت بعثمـــان وبلالي=ونبينا اللي فرض ســـنــه








رد مع اقتباس
قديم 04-19-2009, 10:56 PM   رقم المشاركة : 3
المدير العام
 
الصورة الرمزية ALFISAL2006






 

من مواضيعي
0 ماذا تعرف عن امهات المؤمنين رضى الله عنهم ؟؟؟؟
0 صور اثار وقبور الانبياء والصالحين وغيرهم
0 فيديو : امطار المدينه المنورة 18/12/1435هـ
0 صور عملات عربية قديمة
0 رسم توقعي وبعد أمر الله لمسار الأمطار وكثافتها وحتى ظهيرة يوم الجمعة

الحالة
ALFISAL2006 غير متواجد حالياً
افتراضي





بسم الله الرحمن الرحيم



اخواني الكرام


هذه القصيدة للشاعر عبدالمحسن بن حمود الهذيلي التميمي,, امير مدينة الروضة
القاها في عرس الشاب / حسين علي السلامة على كريمة الشيخ / عبدالكريم بن صالح السلامة


القصيدة بعنوان (( قص جرة الكرماء ))


امس الضحى عديت في راس شمحوط 00حيداً تباريه المزون بثوانـي

وذكرت دوراً يوم انا وأبن شخبوط 00نقص جرة كاملين المعانـــــــــي

ومن عقبها ماني مريح ومبســـــوط 00نوم الملا من عقبها ما هنالـــي

لقيت أبو صالح ستر كل مقحـــــوط 00عز التميمي عند مس البطانــي

وأسعد حياتي عقب ماني بمضغوط 00واحيا السلوم اللي بماض الزماني

ياللي تبي كبر المفاطيح وشــحوط 00وحشواً تقلط في كبــار الصيانـــي

رح للسلامة يا بعد كل مقنــــــــوط 00تلقى أبو صالح حاش كا المعاني

بين الدلال اللي تقل صفت تبطـــوط 00يا قف ليا دنق خطات الهدانــــي

شيخ خذا بالمجد شوطاً ورا شوط 00مفخر تميم وعقب ذاك الحصانـــي

ولحداً بفعل الطيب بالحبل مربوط 00تلقى كريـــم بالمــــواجيب بانــــي

ما جــنــب الواجب لو الرزق ناقوط 00رزقه على المعبود والعمر فانـي

تران من فعلك مكيف ومغبـــــوط 00رفعت راس اللـي بعيداً ودانـــــــي

عساك تبقى يا بعد كل خربــــوط 00سترت حال ضعوفهــا والجبانـــــي

يا ستر من راسه من الطيب ممشوط 00بنت الرجال معربين المجانـــي

وترى الكرم ماهو على العبد مشروط 00جودك من الماجود يالميدمانــي

إن سانعت خلك مع الشمخ العـــوط 00وإن عاضبة تعذر بكل المعانــــي

وأعرف رى الدنيا تموط البشر موط 00تمشي على الدكتور والعيلمانــي

ولا بد يوماًً فوقك الخـــام مشعوط 00عليك بالتقوى وفعــل الحسانــــــي

هذا وصلي عد ما خط بنقــــــــوط 00على محـــــــمد يوم ربي هدانــــي









رد مع اقتباس
قديم 04-19-2009, 11:07 PM   رقم المشاركة : 4
المدير العام
 
الصورة الرمزية ALFISAL2006






 

من مواضيعي
0 ماذا تعرف عن امهات المؤمنين رضى الله عنهم ؟؟؟؟
0 صور اثار وقبور الانبياء والصالحين وغيرهم
0 فيديو : امطار المدينه المنورة 18/12/1435هـ
0 صور عملات عربية قديمة
0 رسم توقعي وبعد أمر الله لمسار الأمطار وكثافتها وحتى ظهيرة يوم الجمعة

الحالة
ALFISAL2006 غير متواجد حالياً
افتراضي







هذه القصيدة لعبد المحسن بن حمود الهذيلي اطال الله في عمره , وقصتها انه في احد الايام وفي عام 1401هـ كان عبد المحسن الهذيلي وبندر السبهان وسليمان الشبرمي وفرحان بن سعيد ومعهم سالم الشبرمي وعيسى الناجي الحربي وعبد العزيز العبد المحسن الهذيلي واخرين لاتحضرني اسمائهم اطال الله في عمر الحي منهم ورحم الله الميت , كانوا طالعين قيلة بين اللغف وأم المسايل فقال أحدهم ان هذا المكان وبحضور هذه الوجيه الطيبة الكريمة يستاهل ان تكتب فية قصيدة فقال عبدالمحسن الهذيلي هذه القصيدة :-
ياما حلا القيلات باطراف حايـل000في ظل طلح ٍ والمكيف طبيعـي
بكناف حايل والجبـال الهوايـل000اللي كما الجوهر حصى كل ريعي
لاصرت بين اللغف وام المسايل000وجليسك السبهان وايا القويعـي
بديار شمـر كاسبيـن النفايـل000اللي لهم عصم الشوارب تطيعي
باجاء وسلمى مكرمين السبايـل000امجادهم من قبل دور المنيعـي
اللي حموها بالسيوف الصقايـل000شمر هل الطولات ريف المجيعي
اهل الجبل وافين لاكـال كايـل000ولولا السنا كان القدايم تضيعي
مافيه شك ولاتبـي قـول قايـل000وحتى معشي الذيب فعله يضيعي
وراعي جفيفا من خيار الدلايـل000وغضبان والمجفي وولد القفيعي
وياما وياما لو نعـد الفضايـل000ما يحصي الكاتب لها والمذيعي
وادخل على الله مانسيت القبايل000مار إن شمر لي ربوع ٍ ذريعـي
مناثر البـن الحمـر كالنثايـل000عند البيوت اللي قراهم ربيعـي
اهل المناوخ بالسنين السحايـل000ترفع لهم بيضاء بصوتٍ رفيعي
وصلات ربي عد ما قـال قايـل000على النبي الهاشمـي الشفيعي

عبد المحسن بن حمود الهذيلي







رد مع اقتباس
قديم 04-26-2009, 08:57 AM   رقم المشاركة : 5
نائب المدير العام
 
الصورة الرمزية الخيال2006







 

من مواضيعي
0 توقعات الامطار على حائل
0 الله من عين طرقها صواديف
0 الملتقى الاول لاسرة الفوزان من تميم (المستجدة)
0 صور نادرة من حياة ولي العهد الامير نايف بن عبد العزيز رحمه الله
0 حفل زواج الشاب:رياض ضحوي الغضوري العنزي

الحالة
الخيال2006 غير متواجد حالياً
افتراضي






كتب هذه الابيات الشاعر /عبد المحسن الهذيلي امير الروضة تـقدير لكبار السن من الشيبـان....
يقول فيهأ:
سـلام منـي عــــــد ذاري هبايبـه.....على الرجال اللـي يعـزون شـايبـه

هل التقى واهل النفوس الشريفـه.....نطاحــة الواجب اليـا صـار عايبـه

منهم كريم الضيف وقت المجاعـه.....ذبـاح للضيـفـان خــــيرة حـلايـبـه

وابو اليتامى والـدي للـردي ذرى.....نطـاح بالشـدات معظـم صعــــايبـه

شقيقي المرحـوم قضـاب غيـبتـي.....اللـي يهلــــي بالضيـوف وركايبـه

ابو حمود بساعة الضيق محزمـي.....عساه بالفـــردوس تكتـب ترايبـه

وعثمان ابن دواس راع الحريـداء.....راعي جفيفا اللي ستر كـل عايبـه

ذبـاح للجربـان خيـرة ســــوانيـه.....ويكـرم الجـاره الياغـــــاب غايبـه

واخومليحه والهديرس هل الوفـا.....اللـي برمـان تنومـس صـــــلايـبـه

هلا الشعيب اللي يسمى الوسيطاء.....مثـل الفهـود بكــــل حـي بجانبـــه

وبالروضة الفيحـا عميروعمـران.....والله ونعـم ٍفـي شبابـه وشــــايبـه

ومنهم عقب لفاح عيسى هكالشيخ.....لاقـام يفتـل للمهـمـــــات شنايبـه

وسودان والعامر هل الدين ربعنـا.....عسى الولي يمطرعليهـم سحايبـه

هاذي مزايا اللي نهج نهجهـم تـو.....عمر ابن مرشد واحد ٍمن حسـايبه

وجدي عليهم وجد من لاعه النيـا.....زادت غبونـه يـوم راحوحــبايـبـه

بالحي حي وهومن ضمن الامـوات.....تذرى عليه النود مـع كـل صايبه

ومن عاب شيبان درسنا دروسهـم.....يبين عيبـه قبـل مالنـاس عــايبـه

من عيب الشايب تشيب عيوونـه.....بلا رحمتن يرحمبهـا قـدر شــايبـه

ومن عاب له شايب بلاعيب شرعي.....يعيـب نفسـه والخلايـق رقايبـه

والله يراقب كل حـي ٍ مـن المـلا.....ونعم الحسيب ولاعلـى الله غايبـــه

يالله تمنا وترحمنا وترحـم بلادنـا.....بمطار غيثٍ مـن مـــزون ٍسكايبـه

غيث ٍعميم ٍيسقي الميـت والحـي.....ويحيي جميع المنطقه مـع شعايبـه

يالله ماغيـــــرك رجينـا ولاحـي.....ترحم ضعوف ٍمن هل المندن سايبه

راحوولاخلوبهـا غيـر الامـوات.....ذكرى لحـي ٍراح محـذى نصـــايبـه

هذا وصلى الله على خير هادي......اللي جعـــلنـا نهتـدي مـن سبـايبـه







رد مع اقتباس
قديم 08-04-2009, 01:47 AM   رقم المشاركة : 6
نائب المدير العام
 
الصورة الرمزية الخيال2006







 

من مواضيعي
0 توقعات الامطار على حائل
0 الله من عين طرقها صواديف
0 الملتقى الاول لاسرة الفوزان من تميم (المستجدة)
0 صور نادرة من حياة ولي العهد الامير نايف بن عبد العزيز رحمه الله
0 حفل زواج الشاب:رياض ضحوي الغضوري العنزي

الحالة
الخيال2006 غير متواجد حالياً
افتراضي

صيدة للشاعر الامير \ عبدالمحسن بن حمود الهذيلي قاله عام 1371هـ
مجاراة لألفية بن عمار ( ابو خيشه ) والذي غناها سالم الحويل
لأول مرة تنشر




ألف أولـف مـن بيـوت ولا يـف=من ظامري ياوي والله طـرا يـف
بالجادل المربـوع نـاب الردايـف=عز الله انه سيـد كـل الخونـدات
خوندات ما خلى لهن صاحبي زيـن=اشتالـه الغالـي بلـيـا ميـازيـن
ملح البوادي بين هـاك الحجاجيـن=وعيونها يشـدن دواويـر ساعـات
البا بـرا حالـي بشوفـة عشيـري=وهليت به وابديت مافـي ضميـري
لـو دوم عنـدي مايملـه نظيـري=لواهنـي يامـن تهـنـا بـلامـاه
لامـاه لـو انـه بتـال الحيـاتـي=اخير عنـدي مـن جميـع البناتـي
اللي اردوفه شـط وضحـى فتاتـي=لوسط هافـي والردايـف ثقيـلات
والتا ترى الغالي نشيله على الراس =والله ما اسمع لو تقولـون يانـاس
الا لكان الحـب منكـر وبـه بـاس=لابد ماتمضي من العظـم صبـرات
صبراه لـو انـه خذانـي جهالـي=لولا الحيـا لأرافـا بحالـه واداري
واسري عليها مثل ذيـب الغـداري=والقلـب عيـا لايبـيـن كنيـنـه
والعين تبكـي نـاب الارداف وينـه=هـو ميـتٍ والا شـقـي بدنـيـاه
دنيـاك لابـد ماتـمـرر حـلاهـا=مرٍ قبـول ومـر تطـوي إرشاهـا
ماسايلـت عيـنٍ تنـثـر دمـاهـا =هي عادته فرقا الشمـول الوليفـات
الجيم جيت اصويحبـي فـي مكانـه=اللـي تربـع بالضميـر اهرجانـه
والرجل مـن يمـه تحـب مشيانـه=ياما جرا لي عندهـا مـن طرابـات
طرابـات يحيـنَ القلـوب المميتـه=والله لـو ينسـان انـا مانسيـتـه
وليا بغيتـه بـاي ساعـه نصيتـه=ولا ينبغـي بيـن المحبيـن مجفـاه
والحا حبيبي لاهتـف لـي وراحـي=ياعـود ريحـانٍ نبـت بالقراحـي
ماشفت مثله فـي جميـع النواحـي=ودموع عيني دب دايـم مشيحـات
مشيحاه من هجر الحبيـب لحبيبـه=ولا خير في نفـسٍ تحـارب قريبـه
دنياك مادامـت لمـن يعتنـي بـه =العمـر يفنـى والليالـي طويـلات
الخـا خيالـه يـوم اناظـر خيالـه=يسوى بقلبـي مـن يشـح بحلالـه
اللي زعـل يزعـل ولانـي بحالـه=صبري قضى والي مضى ماقدر اقواه
ماقـواه لـو انـه تبيـح المكانيـن=علمي بشوفة سيدي بـاول الحيـن
ياناس والله مـن حياتـي تضانيـن=وهذا زمان بـه تضيـع الروايـات
الدال دور حاجتـك عنـد الاجـوا د=اللي بميلات الدهر ترخـص الـزاد
وعز نفسك عـن وتيـك للأضـداد=لاصـار تلقـى كاسبيـن المـروات
مراوات صدق مالـك الله يمـارون=اللـي بميـلات الليالـي يبيـنـون
مثل العدود اللي له النـاس يـردون=لـو ماتدلـه ماتـعـوزك دلــولاه
الـذال ذر اللـي تـذرا بـذاريـك =وعلى صديقـك لا تغلـظ علابيـك
اخضع له الجانب وصافـه يصافيـك=لابد مـن ساعـه يـروح وتمنـاه
تمناه منوه مـن غـدا لـه فقيـده =او سيدٍ جـاه الخبـر مـوت سيـده
عزي لمن يطلق عرى الله من ايـده=يبيـع دينـه فـي مصاليـح دنيـاه
الـرا رأيـك كـان رايـك مكفيـك=والا فـدور لـك صديـق يصافيـك
شور يسر الحـال ماهـو يهقويـك =لا يعـرض لـلأمـور الهـزيـلات
هزيـلات والأيـام ماهـي صديقـه=ولا يكلف الله نفـس مـالا تطيقـه
يارب تجبر خاطري عقـب ضيقـه=عسـاه للمقفـي دروب وسيـعـات
الزاء زمانـك لاضحـك لـك بنابـه=لا تامن الدنيا على مـن طغـى بـه
جيلٍ جديد وجيـل يصبـح خرابـه =هـاذي عوايدهـا بكـل القرابـات
قرابات راحـو واتركونـا وجـودي=صاروا طعام الدود وسـط اللحـودي
لـو يندبـون الحـي ماجـا ردودي=بس العمل مـا قـدم العبـد يلقـاه
السين سلـم راعـي الحـق حقـه =آي وبالـك يـا عشيـري تعـقـه
عطـه اللـزم قبـل يبيعـه ببـقـه=خلـه يـروح ولا تطـاول معايـاه
معاياه يجلـب لـك كثيـر البـلاوي=وتصير مثله طـول الايـام غـاوي
دوك الرخم قامت تصيـد النـداوي=وأسودهـا ترجـي مــن الـبـس حسنات
الشيـن شـاور لابـدا لـك مهمـة =واحذر رفيقـك ليـا غلـط لا تذمـه
تلقـاه ليامنـه قضـى البيـر جمـه=وان كان ما شابك بلا الدلو ورشـاه
بلا رشـاه وصـف معـه الحسابـي=رزقك على خـلاق عمـي الدوابـي
سامع دبيب النمل جـوف المخابـي=عسى نموت وربنـا مـا عصينـاه
الصاد صادق من صدق لك من الناس=شفيـك ليامنـه هبـا كـل خنـاس
واصحا يجيبك للرداء دق الأجـراس=ولا تطيع النفس فـي كـل ممشـاه
ممشاه ليا صار العمل يحتسـب لـك=دقه وجلـه بالصحايـف اكتـب لـك
رجح موازينك على مـا شـرط لـك=رب البشر خلاق سبـع السمـاوات
الضـاد ضـلام العـرب لا يـزورك=وان جاء لشـورٍ لاتباديـه شـورك
عند المهمة ما شعـر فـي شعـورك=لا تتبـع الضايـع وخلـه بمسـراه
مسـرات منجـوٍم ولا لـه مـقـدي=لاهو ولـد عـمٍ ولا عقـب جـدي
ياقف على حده ونـا آقـف بحـدي=يما يجـي يـومٍ علـى مـا تمنـاه
الطا طويت إرشاي عن كـل الآبـار=صارت ثمايل من كثر هـل الامطـار
وزبنـت منهـو للمخاليـق غـفـار=ربٍ ليا ضاقت على الخلـق ننخـاه
ينخاه من ضاقـت عليـه الوسيعـه=نطلب عسانـا مـن عبيـد نطيعـه
تحـت الـولاة محكميـن الشريعـه=هم ذخرنا وان صار للحرب رايـات
الظاء ظروف الوقت عيـت تزينـي=بأيامهـا جـارت علـى الحاكمينـي
اللي حكموا بـرزان عـدة سنينـي=مشايخٍ فـي عدلهـم تامـن الشـاة
الشاه ترعـى دون راعـي رعاهـا=وتسلطنوا في نجـد واللـي وراهـا
ويوم(ن)ربك يسـر اللـي خذاهـا =تبدلـت أحوالهـا بظـرف ساعـات
العين عـاون مـن بلـي بالظلايـم=ليا شفت لك ظالم مـع البيـد هايـم
افزع مـع المظلـوم ياذيـب دايـم =ترى البلاوي تنتهـي عقـب بلـواه
بلواه ماحي(ن)سلـم مـن سببهـا=لـو طالـت الايـام تاخـذ وجبهـا
لابـد ماتسقيـك حامـض عنبـهـا=هـاذي عوايدهـا وهـاذي سوايـاه
الغيـن غاليـك إن بـدا منـه زلـه=عطه النصيحـه قبـل يـوم المذلـه
واصحى توصي له من الراس قل له=خلك معه عن ضيم الايـام مسـلات
مسلاة وسله عن جميـع الهمومـي=خلك ذرا له عـن جميـع السمومـي
واصدق بنصحه في جميع العلومـي=ولا تشمت الجاهل اليا تاهـت اريـاه
الفا فـلا تخضـع لغيـر الله إيـاك =ترى خضوعك يوردك درب الاشراك
طاعـة نبيـك والولـي لا تـعـداك=دين والسنة عـن النـار منجـات
منجاة يـوم البعـث يـوم القيامـة=يوم(ن) به الظالم يشـوف الندامـة
السـم والغسليـن يعطـى طعـامـه=وكل ظالم(ن)لابد ما النـار تصـلاه
والقاف قفل عن هـل الشـر بابـك=وراع النميمـة لا يقـرب تـرابـك
واللي حكى لك اعرف انه حكى بـك=وقله خـلا حتـى يهابـك مهابـات
مهابـةٍ يخشـى منـه دب الأيــام=ملعون جـد وساقـط العـرف نمـام
حتى يصيبه مـن مواقفـك صمـام=ويعرض وحمله من ذنوبـه ثقيـلات
الكاف كف النفـس لاتتبـع اهـواه=ترى الهوى يعمي على العبد منـواه
ولا تتبع الراوي على كـل مـارواه=كم واحد(ن)اعمـاه راي الروايـات
رواة كـذب(ن)يخلقـون الاقاويـل=المرجفيـن الظالمـيـن المهابـيـل
اللي لهـم فـي كـل قـول تهاويـل=يعرفهـم المؤمـن وفيهـم علامـات
اللام لاتمشي مـع اهـل المعاصـي=كـم واحـدٍ ودوه يـم القصـاصـي
تنفيذ شرع بسيـف والا رصاصـي=راحـت حياتـه بالجهـل ماتهـنـاه
لاماتهنـى فـي حيـاتـه دقيـقـه =على المعاصـي دوم رجلـه سبيقـه
يزفر وفي صـدره سـواة الحريقـة=عزي لهم ليا جاء وقـت الحسابـات
الميـم مـا مديـت يمنـاي شحـاذ=الحمـد لله ملتجـاء كـل مــن لاذ
لاقدس المخلـوق انـا منـه عـواذ=لا ارجي الا الله علـى كـل حـالات
حالات ماتشكى علـى غيـر خـلاق=مجري سفينة نوح والكـون غـراق
ولمحمد(ن)سبع السمـاوات فـلاق=هو ملتجانـا يـوم وقـت المناجـاة
والنون نـور العيـن غـادر بلدنـا =عليـه ستـر الله مهـمـا بعـدنـا
والشاهـد الله مـا لحبـه هجـرنـا =علـى النقـا والا المعاكـس بليـاه
بلياه لو توصف من الحـور عينـي=لـو اتعـرض للمتاعـب سنيـنـي
لـو يتعبـن قلبـي بكثـر الحنينـي =اخاف من خـلاق سبـع السمـاوات
الواو واجه راعـي الزيـن بالزيـن=وخل المقفي مـع طريـق المقفيـن
ومن زارنا نفتح له القلـب والعيـن=ما نعطي الواجب على غيـر ملفـاه
ملفـاه عنـدي كـل رجـل متديـن=يسجـد لربـه بالخـفـا ومتبـيـن
مفراص ماص وعند الاجـواد هيـن=يرخص حلالـه بالليـال العسيـرات
والها هـل التوحيـد عـز الجزيـرة=أولاد مقـرن مالنـا عـز غـيـره
ياعلهـم لأهـل الجزيـره ذخـيـره=ملجئ الجلاوي كانهن عمست إريـاه
أرياه عمسـت والمصايـب عظيمـه =واهل العزائـم هبطـوا لـه عزيمـه
ولا بقـى لـه احتـرام(ن)وشيمـه=يلجئ لهم يلقـى عظيـم المـروات
واليـا يـازادت علـيـك الظـلايـم=تـراك تطلـع منـه لابـد سـالـم
أصبر ولا تيـأس تـرى الله عالـم=أطرق على بابـه تجيـك الإجابـات
إجابـات يأتنـك سريـع فرجـهـا=ترتاح كانك واقـع(ن)فـي حرجهـا
وصلوا على المختار مثبت حججهـا=شفيعنا وقـت الجـزاء والحسابـات











رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:28 PM


إستضافة وترقية وتطوير

Upgrade by KsaTec.CoM Copyright ©2000 - 2014, Jelsoft Enterprises Ltd. vBulletin 3.8.7
جميع الحقوق محفوظة لشبكة ومنتديات رمان